ہماری دنیا بیورو
نئی دہلی،16نومبر:کانگریس نے ہفتہ کو اعلان کیا کہ مرکز کی' عوام مخالف پالیسیوں' کے خلاف ضلع سطح اور ریاست کی سطح پرتحریک چلائے گی جس کا اختتام 30 نومبر کو رام لیلا میدان میں ایک 'بڑی ریلی' کے ساتھ ہو گا۔ پارٹی نے پانچ نومبر سے 15 نومبرتک ملک کے مختلف حصوں میں تحریک چلانے کا منصوبہ بنایا تھا، اس دوران کانگریس مرکز کی بی جے پی زیر قیادت حکومت کی'ناکامی'کوبے نقاب کرنے کے لئے احتجاج کررہی ہے۔
کیا مہاراشٹر میں اب بھی حکومت بنائے گی شیوسینا،کانگریس کے ڈیمانڈ کی فہرست منظرعام پر
تعلیم کے حصول کے وقت ہمیں کن کن چیزو ں پر نگاہ رکھنی چاہئے،یہ جاننے کیلئے خبرضرور پڑھیں
کانگریس جنرل سکریٹری کے سی وینو گوپال نے صحافیوں سے کہاکہ آج، ہم نے فیصلہ کیا ہے کہ ضلع اور ریاستی سطح پرچلنے والی تحریک کو 25 نومبر سے پہلے پوراکر لیا جائے گا۔ انہوں نے کہاکہ ہم نے دہلی کے رام لیلا میدان میں 30 نومبر کو مرکزی حکومت کی عوام مخالف پالیسیوں کے خلاف ایک بہت بڑی ریلی کرنے کا فیصلہ لیا ہے۔ اس ریلی کو'بھارت بچاو ¿ ریلی' نام دیئے جانے کا بھی فیصلہ کیا گیا کیونکہ لوگ بہت زیادہ دکھی ہیں۔
کانگریس نے اپنے جنرل سکریٹریوں، محکموں کے سربراہان، ریاستی یونٹ کے سربراہان اورسی ایل پی رہنماو ¿ں کے ساتھ ہفتہ کو ایک میٹنگ منعقد کی تھی۔ وینو گوپال نے کہاکہ مرکزی حکومت کی عوام مخالف پالیسیوں بالخصوص اقتصادی سستی، کسانوں کے بحران، بے روزگاری اور دیگر مسائل کے خلاف جاری تحریک پرگفتگو کے لئے میٹنگ بلائی گئی تھی۔
