ہماری دنیا بیورو
بھوپال: سابق وزیر اعلی دگ وجے سنگھ وہاٹس ایپ جاسوسی کے معاملہ میں مودی حکومت کو نشانہ بنایا ہے۔انہوں نے اسے ووٹوں کی چوری سے جوڑتے ہوئے مودی حکومت کو کٹہرے میں کھڑا کیا ہے۔
سابق وزیر اعلی دگ وجے سنگھ نے ہفتہ کو ایک نیوز ویب سائٹ پر شائع آرٹیکل کو ٹویٹر پرشیئرکیا ہے، جس کا عنوان ہے'جاسوسی کے غیر قانونی کھیل میں مودی حکومت فیل؟ اس کے ساتھ ہی دگوجے سنگھ نے لکھا ہے کہ اس مضمون کو ضرور پڑھیں۔ آج کے دور میں کوئی بھی چیز جس میں چپ لگی ہے، محفوظ نہیں ہے۔ اس کے ساتھ ہی انہوں نے ایک انگریزی اخبار میں شائع مضمون شیئر کیا ہے، جس میں کہا گیا ہے'یہ انتہائی سنگین معاملہ ہے، جس پر سپریم کورٹ کو فوری طور پر از خود نوٹس لینا چاہئے' کسے پتہ معزز جج کی بھی نگرانی کی جا رہی ہو۔
ویب سائٹ اور اخبار کا حوالہ دینے کے بعد دگ وجے سنگھ نے ٹویٹ کیا ہے' دنیا کے کسی بھی کونے میں بیٹھ کر آپ کے بینک سے فنڈز چرایا جا سکتا ہے ڈیٹا چرایا جا سکتا ہے ہر چیز چرائی جا سکتی ہے۔ آپ کے ووٹوں کو بھی! الیکشن کمیشن نہ جانے کب سمجھے گا، یا سمجھتے ہوئے بھی نادان بنا ہوا ہے؟ میرا مودی بھکتوں سے سوال ہے کیا آپ چاہتے ہیں کہ کوئی غیر ملکی حکومت یہ طے کرے کہ ہندوستان میں کس کی حکومت بننی چاہئے؟ کیا یہی آپ کی حب الوطنی ہے؟ کچھ تو سوچو!۔
