ہماری دنیا بیورو
بھوپال، 19 نومبر۔ راجیہ سبھا میں سیکورٹی اوربندوبست کو برقرار رکھنے کے لئے تعینات کئے جانے والے مارشل کی یونیفارم میں اس اجلاس سے تبدیلی کی گئی ہے۔ ان کی نئی یونیفارم ملٹری کی یونیفارم سے ملتی جلتی ہے۔ اسے لے کر سابق وزیر اعلیٰ دگوجے سنگھ نے سوال اٹھائے ہیں اور راجیہ سبھا کے چیئرمین سے اس پر توجہ دینے کو کہا ہے۔
پارلیمنٹ سرمائی اجلاس: 27 بلوں پر ہوگی بحث
شرد پوار کی سونیا گاندھی سے ملاقات، مہاراشٹر پر نہیں نکل سکا کوئی حل
المناک حادثہ، 14 افراد کی موت چاروں طرف چیخ وپکار
راجیہ سبھا کے مارشل کی یونیفارم کو لے کر سابق بری فوج کے سربراہ جنرل وی پی ملک نے ٹویٹ کیا ہے۔ انہوں نے کہا ہے کہ سویلین ملازمین کے ذریعہ فوج سے ملتی جلتی یونیفارم پہننا غیر قانونی تو ہے ہی، سیکورٹی کے نقطہ نظر سے بھی خطرہ ہے۔ جنرل ملک کے اس ٹویٹ کو ری ٹویٹ کرتے ہوئے سابق وزیر اعلیٰ دگوجے سنگھ نے منگل کو ٹویٹ کیا ہے۔ انگریزی میں کئے گئے اپنے ٹویٹ میں انہوں نے لکھا ہے کہ سیکورٹی خدمات کے اس جائز اعتراض پر معزز چیئرمین توجہ دیں۔ انہوں نے لکھا ہے کہ مجھے تو وردی میں کی گئی اس تبدیلی کی وجہ ہی سمجھ نہیں آتی۔ راجیہ سبھا کے مارشل کی پرانی یونیفارم میں کیا خرابی تھی؟۔
