ہماری دنیا بیورو
رائے بریلی / نئی دہلی، 22 نومبر: رائے بریلی سے کانگریس پارٹی کی باغی ممبر اسمبلی ادتی سنگھ نے جمعرات کو پنجاب کے کانگریس رکن اسمبلی انگد سنگھ کے ساتھ پھیرے لے کر شادی کے بندھن میں بندھ گئیں۔ دہلی کے جورباغمیں ہوئی اس شادی کی تقریب میں کئی سیاسی شخصیات کے علاوہ معززین موجود تھے۔
شادی کے بندھن میں بندھنے جارہی ہے کانگریس کی یہ خوبصورت ممبر اسمبلی
مسلم خاتون سائنسداں نے شوگر کے مریضوں کو دیا بہترین تحفہ
دہلی کے اتم نگرمسجداور قبرستان کی لڑائی اب سڑکوں پرہوگی،اس مشہور وکیل نے کیا اعلان
ممبر اسمبلی ادتی سنگھ رائے بریلی سے کانگریس کی رکن اسمبلی ہیں اورانگد سنگھ پنجاب کے نواںشہر سے پہلی بار رکن اسمبلی بنےہیں۔ وہ پنجاب کے سب سے کم عمر رکن اسمبلیہیں۔ ممبران اسمبلی (ادتی اور انگد سنگھ) کی شادی میں کانگریس ممبر پارلیمنٹ منیش تیواری، یوپی کے وزیر سندیپ سنگھ، سابق ایس پی ترجمان پنکھڑی پاٹھک، بی جے پی ایم پی سسنگھ مترا موریہ، ممبر اسمبلی دھریندر سنگھ، سابق وزیر پنجابی سنگھ سمیت پنجاب سے کانگریس کے کئی رکن اسمبلی اور وزرابھی شامل ہوئے۔ سماجی و دیگرشعبوںسے دیگر مشہور شخصیات نے بھی اس شادی میں شرکت کی۔استقبالیہ23 نومبر کو دہلی میں ہی ہوگا۔ اس کے بعد نواںشہر میں بھی 25 نومبر کو بڑا پروگرام کرنے کی تیاری ہے۔
ممبر اسمبلی ادتی سنگھ نے شادی کے کچھ وقت پہلے ایک جذباتی ٹویٹ کیا جو سوشل میڈیا پر موضوع بحث بنا ہوا ہے۔ دراصل ادتی نے اس موقع پر والد کے نہ ہونے پر لکھا تھا کہ وہ پاپا کو بہت مس کر رہی ہیں اور اگر آج ان پاپا ہوتے تو بہت خوش ہوتے۔غور طلب ہے کہ ادتی سنگھ کے والد اکھلیش سنگھ کا اسی سال اگست میں انتقال ہو چکا ہے۔ ادتی سنگھ کے مطابق یہ شادی پاپا نے ہی طے کی تھی اور دسمبر میں منگنی کی تھی۔ ادتی سنگھ کے مطابق ان کے پاپا نے ہی شادی کی ڈیٹ رکھی تھی اور اسے نہ ٹالنے کے لئے کہا تھا۔ ادتی سنگھ کو اس موقع پروالد کی کمی کافی محسوس ہورہی تھی۔
