مودی کے چہیتے افسر نے لی تھی رشوت ،پالیگراف ٹیسٹ میں تصدیق

ہماری دنیا بیورو
نئی دہلی:سی بی آئی میں نمبر دو رہے راکیش استھانہ کے خلاف چل رہی رشوت خوری کی تحقیقات میں نیا انکشاف ہوا ہے۔ رشوت دینے کے ملزم اور حیدرآباد کے کاروباری ستیش بابو ثناءکے پالی گراف ٹیسٹ میں رشوت دینے کی تصدیق ہوئی ہے۔ اسی سال مارچ میں 12 اور 13 تاریخ کو ستیش بابو ثناءکی پالی گراف ٹیسٹ کیا گیا تھا۔سناء نے ہی گزشتہ سال اس کی شکایت کی تھی، جس کی بنیاد پر راکیش استھانہ کے خلاف کیس درج کیا گیا تھا۔ ثناءنے تب دعویٰ کیا تھا کہ گوشت کاروباری معین قریشی کو بچانے کے لئے ایک تاجر کے ذریعے سال 2016 میں راکیش استھانہ کو رشوت دیا تھا۔
دہلی ہائی کورٹ نے سی بی آئی کو آٹھ دسمبر تک راکیش استھانہ کیس کی تحقیقات کرنے کا حکم دیا ہے۔ ذرائع کے مطابق جانچ ایجنسی نے معاملے میں زیادہ تر حصے کی تفتیش مکمل کر لی ہے اور امریکہ اور یو اے ای کو بھیجے گئے خط روزری (LR) کے جواب کا انتظار کر رہی ہے۔ایجنسی نے ثناءکے علاوہ کیس میں مبینہ بچولیا منوج پرساد کے سسر سنیل متل اور بھائی سومےشور شریواستو کا بھی بالترتیب 8 اور 13 مارچ کو پالی گرافی ٹیسٹ کرایا ہے۔ اس کیس سے جڑے ایک اور اہم گواہ پنیت کھربندا کا ایجنسی نے دو بار 7 مارچ اور 5 اپریل کو پلگراپھ ٹیسٹ کروایا ہے۔
اپریل کے تیسرے ہفتے میں مرکزی فورینسک سائنس لےبورےٹری کی فارینسک بیان اینالسس رپورٹ اور فارینسک نفسیاتی تجزیہ کی بنیاد پر یہ نتیجہ اخذ کیا گیا ہے کہ ثناء اور کھربندا نے سی بی آئی افسر سے من پسند جانچ رپورٹ لکھوانے کے مقصد پیسے دیئے ہیں۔ معاملے میں متل اور شریواستو کے پالی گرافی ٹیسٹ پر کوئی حتمی رائے نہیں بن سکی کیونکہ ان کے بیان ناکافی تھے اور تحقیقات کے بارے میں ان کے پاس اس کی اطلاع نہیں تھی۔اس سال جنوری میں سی بی آئی نے دہلی کے پٹیالہ ہاوس کورٹ میں ایک درخواست دی تھی، جس میں ملزم اور مدعی کا پالی گرافی ٹیسٹ کرانے کے لئے رضامندی مانگی گئی تھی۔ اس معاملے میں رشوت دینے کے ملزمان نے پالی گرافی ٹیسٹ کی رضامندی ظاہرکی جبکہ منوج پرساد، (جس نے رشوت کے پیسے کو قبول کرنے کا الزام لگایا) نے پالی گرافی ٹیسٹ سے انکار کر دیا تھا۔