ہماری دنیا بیورو
نئی دہلی،18 نومبر: جواہر لال نہرو یونیورسٹی میں فیس میں اضافہ اور ہاسٹل کے نئے ضابطے کا تنازعہ ختم ہونے کا نام نہیں لے رہا ہے۔ آج یعنی 18 نومبر کو جے این یو کے طلباء نے پارلیمنٹ مارچ کا اعلان کیا تھا جس کی وجہ سے حکومت نے کیمپس اور آس پاس کے علاقوں میں دفعہ 144 نافذ کردی تھی اس کے باوجود طلباء نے پارلیمنٹ مارچ شروع کردیا ہے۔ وہیں دہلی پولس کے افسروں کا کہنا ہے کہ طلباء کو پارلیمنٹ تک نہیں جانے دیا جائے گا۔ پارلیمنٹ کے آس پاس بھی دفعہ 144 نافذ کردیا گیا ہے۔ طلباء نے پولس بیریکیٹنگ کو توڑ دیا ہے۔ قریب 2سے تین ہزار طالب علم یہ مارچ نکال رہے ہیں۔ پولس کا کہنا ہے کہ اس مارچ کو منڈی ہاؤس سے آگے نہیں بڑھنے دیں گے۔
جے این یو گیٹ کے باہر بڑی تعداد میں پولس اہلکاروں کو تعینات کیا گیا ہے۔ دہلی پولس نے 9 کمپنی پولس فورس کی تعینات کی ہے۔ قریب 12 سو اہلکاروں دہلی پولس اور سی آر پی ایف کے جوان شامل ہیں۔
