غزہ ،13نومبر،ایجنسیاں
فلسطین کے غزہ میں دوسرے دن بھی اسرائیل کے ذریعہ فضائی حملے کا سلسلہ جاری رہا۔آج اسرائیلی جارحیت کے نتیجے میں مزید چار فلسطینی شہید ہو گئے ۔جس کے بعد اسرائیلی حملے میں شہید ہونے والے فلسطینیوں کی تعداد 18ہو گئی ہے جبکہ زخمی ہونے والوں کی تعداد پچاس سے تجاوز کر چکی ہے۔
میڈیا رپورٹوں کے مطابق اسرائیلی فوج نے دعویٰ کیا ہے کہ ان کی جانب سے حالیہ فضائی حملے جس میں ان کے مطابق ایک 'فلسطینی جنگجو کمانڈر' ہلاک ہوا تھا، کے بعد سے اسرائیلی سرزمین پر غزہ سے اب تک 250 کے قریب راکٹ فائر کیے گئے ہیں۔ان کا کہنا تھا کہ غزہ سرحد سے متصل اسرائیلی زمین پر راکٹ حملوں کی وجہ سے اسکول بند کردیے گئے جبکہ عوامی اجتماع پر بھی پابندی عائد کردی گئی ہے۔
دوسری جانب اسرائیل کی وحشیانہ جارحیت کے جواب میں فلسطینیوں نے صہیونی ریاست کے اہداف میں میزائلوں اور راکٹوں سے حملے کیے ہیں۔ ان حملوں کے نتیجے میں اب تک 50 کے قریب یہودی آباد کاروں اور قابض فوجیوں کے زخمی ہونے کی اطلاعات ہیں۔اسرائیلی وزارت صحت کی طرف سے جاری بیان میں بتایا گیا تھا کہ فلسطینی مزاحمت کاروں کے حملوں کے نتیجے میں 46 یہودی زخمی ہوئے ہیں۔ بعض شدید زخمی ہیں جنہیں اسپتالوں میں منتقل کیا گیا ہے جب کہ بعض کو درمیان اور بعض کو معمولی درجے کے زخم آئے ہیں۔
خیال رہے کہ گزشتہ روز مشرقی غزہ میں اسرائیلی فضائیہ کے حملے میں بھائی ابو العطا اور ان کی اہلیہ جاں بحق ہوئی تھیں جن کے بارے میں اسرائیل کا دعویٰ ہے کہ وہ اسرائیل پر ہونے والے حملوں کا ماسٹر مائنڈ تھا۔رات کی تاریکی میں ہونے والا حملہ بھائی ابو العطا کی رہائش گاہ پر اس وقت کیا گیا تھا جب وہ سو رہے تھے۔غزہ اور اسرائیل میں ثالثی کا کردار ادا کرنے والے مصری حکام کا کہنا تھا کہ قاہرہ کشیدگی کو کم کرنے کی کوششیں کر رہا ہے تاہم فلسطینی تنظیم کے ترجمان نے ان کوششوں کو مسترد کرتے ہوئے کہا کہ 'ہماری ترجیح اسرائیلی جرائم کا جواب دینے اور جارحیت کا مقابلہ کرنا ہے'۔اسرائیلی وزیر دفاع کا کہنا تھا کہ وہ مزید کشیدگی نہیں چاہتے تاہم ان کا کہنا تھا کہ 'اسرائیل کے لیے خطرہ بننے والے مزید لوگوں کو مارنے سے کترائیں گے نہیں۔
تازہ ترین: جے این یو طلبائ کے احتجاج کے سامنے جھک گئی حکومت، فرمان واپس
ریلائنس فاؤنڈیشن کی چیئرپرسن نیتا امبانی امریکہ میں یہ بڑا عہدہ حاصل کرنے والی پہلی بھارتی خاتون
کارپوریٹ کمپنیوں نے بی جے پی کودیاموٹاچندہ، بی جے پی ایم پی نے ٹاٹا کے چندہ پر اٹھایا سوال
ان کا کہنا تھا کہ آج ہم نے اپنے تمام دشمنوں کو واضح پیغام دے دیا ہے، جو بھی ہمیں دن میں نقصان پہنچانے کی کوشش کرے گا وہ رات تک باقی نہیں رہ پائے گا'۔راکٹ حملوں کی وجہ سے اسرائیل میں کسی کی ہلاکت سامنے نہیں آئی جس کی وجہ اسرائیل کا آئرن ڈوم دفاعی نظام ہے جس کے بارے میں اسرائیلی فوج کا کہنا تھا کہ 'اس نئے سسٹم کے ذریعے 90 فیصد راکٹوں کو ہدف تک پہنچنے سے پہلے ہی تباہ کردیا گیا'۔گزشتہ روز غزہ میں اسرائیل کے فضائی حملے کے ساتھ ساتھ شام کی دارالحکومت دمشق میں بھی اسرائیل نے ایک گھر پر 3 فضائی حملے کیے تھے جن میں سے ایک کو ناکام بنا دیا گیا تھا اور 2 نے گھر کو تباہ کردیا تھا۔
ہندوستھان سماچار
