محمد ہاشم
چوڑیوالان، جامع مسجد ، دہلی
فرقہ وارانہ ہم آہنگی کی ایک نایاب مثال جنوبی بھارت میں ایک عرصہ سے پائی جاتی ہیں۔ کرناٹک میں ضلع ہبلی کے مضافات میں واقع ایک گاو ¿ں کے ہندو اور مسلمان ایک ساتھ ملکر' محرم 'اور 'گنیش چترتھی'کا تہوار مناتے ہیں۔ گاوں میں یہ سلسلہ 35 برسوں سے چلا آرہا ہے۔ اس میں ہندو ¿ں اور مسلمانوں کی آبادی آدھی آدھی ہے۔ مذہبی تہواروں کے منانے کیلئے یہاں ہندوںاورمسلمانوں کی مشترکہ کمیٹی ہے،اسی لئے دونوں مشترکہ طو رپر گنیش چترتھی اورمحرم پوری عقیدت سے مناتے ہیں۔ اس گاوں کے ایک باشندے نے بتایاکہ گذشتہ 35 برسوں سے ہم مل جل کر بھگوان گنیش کاعظیم مجسمہ اور محرم کے تعزیے ایک ہی پنڈال میں نصب کرتے ہیں او ریہ میدان گاو ¿ں کے بیچوں بیچ واقع ہے۔ انہوں نے بتایا کہ سال 1982-83اور 1984 میں دونوں تہوار گنیش چترتھی اور محرم ایک ہی تاریخ میں واقع ہوئے۔ یہی دوبارہ گذشتہ سال 2018میں بھی ہوا اور گاو ¿ں کے تمام لوگوں نے مشترکہ طور پر دونوں تہوار منایا۔
ہرسال گاو ¿ں کے لوگ دونوں تہواروں کیلئے بڑے پیمانے پر تقریبات منعقد کرتے ہیں۔دونوں مذاہب کی خواتین بھی ان تقریبات میں حصہ لیتی ہیں اور گذشتہ سال2018میں گنیش چترتھی اور محترم ایک ہی دن اور ایک ہی تاریخ میں واقع ہوئے۔ اسی دن تعزیوں کے دفنانے اور گنیش چترتھی کے مجسمہ (بڑا بت) کے ' وسرجن' کاموقع تھا۔ گاوں میں مسلم طبقہ کے ایک آدمی نے کہا کہ 'اس گاوں میں رہنے والے ہندو ¿ں اور مسلمانوں میں اختلافات نہیں ہوتے۔ لوگ بلالحاظ مذہب ایک دوسرے کے بھائی اور بہن کے مانند رہتے ہیں۔ نہ صرف یہ کہ تہواروں کے موقع پر ایک ساتھ رہتے آئے ہیں بلکہ دیگر مذہبی تقریبات اور ایک دوسرے کی خوشی اور غم میں ہندو اور مسلمان شریک ہوتے ہیں۔ اس نے کہا کہ اس گاو ¿ں کی یہی خوبصورتی ہے، جس کی پیروی تما م بھارت کے لوگوں کو کرنی چاہئے تاکہ ہندو مسلم بھائی چارہ کی ہماری کوششیں پوری ہوں اور پورے بھارت میں فرقہ وارانہ اختلافات اور فسادات نہ ہوں۔
