مہاراشٹر کی سیاست میں آیادلچسپ موڑ،تو اس وجہ سےشیوسینا حکومت میں شامل نہیں ہوگی

ہماری دنیا بیورو
نئی دہلی: ایسا لگ رہا ہے کہ شیوسینا کو بی جے پی پر یقین نہیں ہے۔ پارٹی اراکین کی میٹنگ میں فیصلہ لیا گیا ہے کہ پہلے بی جے پی تحریری طور پر دے کہ وہ' ڈھائی ڈھائی سال وزیر اعلیٰ ' یعنی 50-50 والے فارمولے پر راضی ہے۔ شیوسینا ممبر اسمبلی رمیش لٹکے میٹنگ ختم ہونے کے بعدکہا کہ سارے حقوق ادھو جی کو دیئے گئے ہیں، جو وہ کہیں گے وہی ہوگا۔ وہیں ایک اور شیوسینا ممبر اسمبلی پرتاپ سرنائک نے کہا کہ بی جے پی جب تک تحریری طور پر نہیں دے گی اس وقت تک شیوسینا حکومت میں شامل نہیں ہوگی۔ جو فیصلہ ہوا ہے 50 - 50 فارمولا اس کے تحت ڈھائی ڈھائی سال کا وزیر اعلیٰ ہونا چاہئے۔ مہاراشٹر کے بیشتر شیو سینا ممبر اسمبلی چاہتے ہیں کہ اس بار شیو سینا کو وزیر اعلیٰ کا عہدہ دیا جائے اور یہ عہدہ آدتیہ ٹھاکرے کو ملے۔ ان ممبران اسمبلی کا کا کہنا ہے کہ ان کے پاس نئی سوچ ہے۔ اسمبلی انتخابات میں شیوسینا کو 56 سیٹیں ملیں ہیں۔
آپ کو بتا دیں کہ بی جے پی کو گزشتہ مرتبہ کے مقابلے میں تقریباً 20 سیٹیں کم آئی ہیں اور وہ اس کو حکومت بنانے کے لئے کسی تیسری پارٹی کی ہر حال میں حمایت کی ضرورت پڑے گی۔شیوسینا اسی بات کا فائدہ اٹھانا چاہتی ہے کیونکہ پچھلی بار کے انتخابات میں بی جے پی نے اکیلے الیکشن لڑا تھا اور حکومت پر مکمل طور پر قبضہ کر لیا، لیکن اس بار حالات بدل گئے ہیں، یہی وجہ ہے کہ شیوسینا لیڈر سنجے راوت نے شیر (شیوسینا کا نشان) کا ایک کارٹون ٹوئٹر پرشیئر کیا ہے، جس کے گلے میں گھڑی (این سی پی کا انتخابی نشان) اور ہاتھ میں کمل کا پھول (بی جے پی کا انتخابی نشان) ہے۔ مہاراشٹر میں ایک اور خبرگرم ہے کہ این سی پی شیوسینا کی حمایت کر سکتی ہے۔