مہاراشٹرمیں بی جے پی اور شیوسینا کو ستا رہا شکست کاڈر، کیوں آپ جاننا نہیں چاہیں گے؟

ہماری دنیا بیورو
ممبئی:مہاراشٹر میں 21 اکتوبر کو اسمبلی انتخابات ہونے ہیں اور باغیوں کے انتخابی میدان میں اترنے کے سبب تقریباً تمام بڑی سیاسی پارٹیاں متاثر ہیں۔ 62 اسمبلی سیٹوں والے ودربھ میں اس کا سب سے زیادہ اثر پڑا ہے اور یہاں بی جے پی شوسےوا اتحاد مشکل میں ہے۔ یہاں بی جے پی کے باغی رہنما چھ اسمبلی سیٹوں پرکھیل بگاڑ رہے ہیں جبکہ شیوسینا کے باغی پانچ سیٹوں پر پارٹی کے امیدواروں کے خلاف انتخابی میدان میں ہیں۔ اسی طرح کانگریس اور این سی پی کو کم از کم تین اور ایک سیٹ پر اس طرح کی صورت حال کا سامنا کرنا پڑے گا۔
بی جے پی کے دو باغی لیڈروں چرن واگھمرے (تمسر، بھنڈارا) اور راجو توڈسم (ارنی، ایوت مال) بھی ہیں جو موجودہ رکن اسمبلی ہیں اور دونوں نے پارٹی کے امیدوار پردیپ پڈولے اور سندیپ دھروے کے خلاف انتخابی میدان میں اترنے کا فیصلہ لیا ہے۔ واگھمرے کو قریب ایک مہینہ پہلے ایک خاتون پولیس افسر کے ساتھ بدسلوکی کے الزام میں گرفتار کیا گیا تھا جبکہ توڈسم ایک ویڈیو میںاپنی پہلی اور دوسری بیوی کے درمیان جھگڑے کا ویڈیو وائرل ہونے پر تنازعات میں آ گئے تھے۔
شیوسینا کے چار سابق ممبر اسمبلی آشیش جیسوال، اشوک شندے، وشواس نانڈیکر اور نریندر بھونڈیکر- بی جے پی کے امیدوار ملک ارجن ریڈی، سمیر کنوار، سنجیو ریڈی بودھ کرور اور اروند بھالدار (بی جے پی-شیوسینا-آر پی آئی) کے خلاف انتخابی میدان میں ہوں گے۔ ریڈی، کنوار موجودہ رکن اسمبلی ہیں۔ انتخابات میں بی جے پی کے یوگیندر گوڈے شیوسینا امیدوار سنجے گایکواڑ کے خلاف انتخابی میدان میں ہیں۔ گوڈے سال 2014 کے انتخابات بھی بی جے پی امیدوار تھے۔
امراوتی میں بی جے پی کی سیما ساولے، ایوت مال میں شیوسینا کے سنتوش دھاولے دگراس میں بی جے پی کے سنجے دیشمکھ اور گونڈیا میں بی جے پی ونود اگروال اتحاد کے دیگر اہم باغی ہیں۔ کانگریس میں بی جے پی کے سابق ممبر پارلیمنٹ اور بھنڈارا ضلع کی سکولی سیٹ سے کانگریس امیدوار چینل پٹولے کے خلاف سابق پارٹی ممبر اسمبلی سیوک واگھمرے انتخابی میدان میں ہیں جو ونچت بہوجن آگاڑھی پارٹی کے ٹکٹ پر انتخابی میدان میں ہیں۔